ŞIRKƏT HAQQINDA

"SCOM" şirkəti obyektlərin təhlükəsizliyin kompleks şəkildə təmin olunması, nəzarət və girişin idarə olunması, videomüşahidə, avtomatlaşdırma və texniki monitorinqlə bağlı müxtəlif sistemlərlə təchiz edilməsi məqsədi ilə 2009-ci ildə qurulub.

Fəaliyyət göstərdiyi müddət ərzində «SCom» IP-həllər sahəsində toplanmış dünya təcrübəsini Azərbaycanda bütünlükdə tətbiq və adaptasiya etməyi, həmçinin bu kimi həllərin dəyərini maksimal dərəcədə aşağı salmağı bacarmışdır. Hal-hazırda şirkət montaj təşkilatları və ticarət firmaları arasında videomüşahidə sistemləri üçün avadanlığın təchizatı üzrə etibarlı tərəfdaş kimi tanınır.

İş prosesində ən qabaqcıl həllərin tətbiqi, eləcə də sifarişçilərə xidmətlərin kompleks şəkildə göstərilməsi (müasir videomüşahidə sistemlərinin işlənib hazırlanmasından tutmuş şlaqbaumların quraşdırılmasınadək) nəticəsində şirkətdə sabit inkişaf dinamikası müşahidə olunur. «SCom» şirkətinin uzunmüddətli inkişaf strategiyası isə yalnız etibarlı və keyfiyyətli avadanlıq tədarükçüləri ilə əməkdaşlıq və bütün mütəxəssislərimizin daimi təkmilləşdirilməsi və ixtisaslarının artırılması üzərində qurulub.

«SCom» şirkəti IT-infrastrukturunun optimallaşdırılmasını, həmçinin layihələrin hazırlanması və həyata keçirilməsi sahəsində tövsiyələrin verilməsini təmin edən mühəndis-məsləhət xidmətləri kompleksini həyata keçirir. «SCom» komandası xüsusi mərkəzlərdə təlim keçərək müvafiq sertifikatlar almış, çoxillik iş təcrübəsinə malik əsl peşəkarlardan ibarətdir. Avadanlığa texniki dəstək üzrə mühəndis xidmətləri şirkətimizin yüksəkixtisaslı, sertifikatlaşdırılmış mütəxəssisləri tərəfindən göstərilir.

Dünyanın və Rusiyanın aparıcı şirkətlərinin ən yaxşı və keyfiyyətli məhsullarını təqdim edən «SCom» şirkəti, Azərbaycanın texnoloji inkişafına xeyli töhfə vermişdir. Lisenziyasız ofis avadanlığı ilə tez-tez rastlaşdığımız indiki şəraitdə «SCom» lisenziyalı məhsulun tədarükü üçün dünyanın aparıcı venderlərindən müəllif hüquqları almış Azərbaycan şirkətlərindən biridir.

Aktiv fəaliyyət göstərdiyimiz doqquz il ərzində şirkətimizin texniloji tərəqqisi tarixində mühüm hadisələr baş vermişdir. Belə ki, şirkətimiz 2013-ci ildə «OracleGoldPartner» statusuna layiq görülüb. Bu statusun əldə edilməsi proqram avadanlığı tədarükünün inkişafı və orta və iri biznesi təmsil edən Sifarişçilər üçün işlərin yerinə yetirilməsi baxımından mühüm əhəmiyyət daşıyır. «SCom» şirkəti ERP, CRM sistemlərinin işlənib hazırlanması və tətbiqi sahəsində sistem inteqratoru qismində çıxış edir.

  • Oracle — dünyada təşkilatlar üçün ən iri proqram təminatçısı olan Amerika korporasiyasıdır. Şirkət məlumat bazalarının idarə olunması sistemlərinin, əlaqələndirici proqram təminatı və biznes əlavələrinin buraxılışı sahəsində ixtisaslaşıb.

«SCom» 2014-cü ildə «Schneider Electric» və «Pelco by Schneider Electric» şirkətlərinin tərəfdaşına çevrilib.

  • «Schneider Electric» - elertrik enerjisinin idarə olunması sahəsində dünya şöhrətli ekspert, həmçinin energetika və infrastruktur, sənaye müəssisələri, mülki obyektlərin və mənzil tikintisi, o cümlədən məlumatların işlənməsi mərkəzləri üçün enerji baxımından səmərəli kompleks həllərin aparıcı layihəçisi və tədarükçüsüdür.
  • «Pelco by Schneider Electric» - müasir avadanlığın və mürəkkəblik səviyyəsi müxtəlif olan təhlükəsizlik sistemləri, eləcə də texnoloji televiziya sistemlkərinin tam spektrinin layihələndirilməsi və istehsalı sahəsində dünya lideridir.

«SCom» şirkəti həmçinin aşağıdakı sahələr üzrə fəaliyyət göstərir:

  • vahid texnoloji platformadan istifadə olunmaqla, binaların avtomatlaşdırılması üçün avadanlığın («ağıllı ev» sistemləri) quraşdırılması və satışı;
  • HTC  şirkətinin Azərbaycanda ilk təsdiq edilmiş servis mərkəzini təmsil edir.

«SCom» şirkəti ilə əməkdaşlıq nəticəsində aşağıdakıları qazana bilərsiniz:

  • etibarlı tərəfdaş;
  • keyfiyyətli və münasib qiyməti olan avadanlıq;
  • geniş çeşid;
  • sahənin yenilikləri və son texniki nailiyyətləri;
  • Sizin problemlərinizin həllinə fərdi yanaşma;
  • rahat və sürətli xidmət.